KIPRED analizon funksionimin e komunave me shumicë serbe

Instituti Kosovar për Kërkime dhe Zhvillime të Politikave (KIPRED) ka publikuar një raport për procesin e decentralizimit në Kosovë, me fokus të veçantë në funksionimin e komunave me shumicë serbe. “Rishikim i procesit të decentralizimit – Funksionimi i komunave me shumicë serbe” është një studim i radhës, që del si rezultat i punëve kërkimore të KIPRED-it në lëmin e qeverisjes lokale. Ky raport, i sponsoruar nga Agjencia Zvicerane për Zhvillim dhe Bashkëpunim (SDC) analizon transferin e kompetencave prej pushtetit qendror tek ai lokal, transferin e të dhënave tek komunat e reja si dhe sfidat dhe mundësitë e qeverive të reja komunale.